حبيبتي يا نظر عيني .. اعرف كمية الاشياء اللي مريتي عليها والصدمات اللي انصدمتي منها والكسور اللي انكسرتيها والجروح اللي جرحتك فيها .. واعرف قد ايش منتي على بعضك .. اعرف بشخصيتك القوية ما تحبين الاشياء اللي حصلت لك لان عمرك ما حصل لك كذا وانا اعرف اني الغلطان الاول والاخير .. فيه كتب اعتذارات ابي اقدمها لك ولكن قبل الاعتذارات ابي اقولك ان هالشي اللي صار اثبت لي بداخلي اني مستحيل اتخلى عنك ومستحيل افكر اتركك ومستحيل ابعد عنك وعرفت اني ما اقدر اصبر بدونك ولا اقدر اعيش بدونك .. واتمنى الاقي نفس الشعور فوالله العظيم اني ما احب احد اكثر من اني احبك ورب البيت اكثر من 1 و 2 وانتي تعرفين مين واكثر من اي احد فالكون ... ومستحيل احب احد بعدك ،، يا غرامي انا ما اعرف اخذ اخبارك من غيرك ولا اعرف اخذ نفسيتك كيف من غيرك ولا اعرف مشاعرك الا منك انتي .. مشاعري واحاسيسي وحناني .... حبي انا اقدر اعوض غلطتي واصلح اي شي اخترب .. انا ما ابغى اضغط عليك بالفعل  ولكن اللي ابي اعرفه .. وش هو موقفك مني وايش تحملين من مشاعر تجاهي وقد ايش وايش الاختلافات اللي صارت .. مناي , خلينا ننسى اللي صار نساعد بعض ونقوي بعض وندعم بعض .. والله اني احتاجك اكثر من انك تحتاجيني ... وابي اذكرك ببعض كلامك اللي كنتي تقولين لي واللي كنت اقول لك .. انت بدوني ولا شي وانا بعد بدونك ولا شي .. انا اخرجتك من مقبرة الوحده وزومعه الحزن .. انتي اخرجتيني من اللاشخصية ومن اللامعرفة ومن اللاحياة ومن اللامبالاة ومن اللاحذر الى الشخصية المبنية والمعرفة فالدنيا والحياة الحقيقية والمبالاة فالأمور .. انتي احسستي بطعم الحياة بعد حبي لك وانا من احسست بطعمها حين أحببتك ... يا غلاي صعبه علي اني اشوفك تدخلين الشي هذا فاليوم مرة ومرتين بس ما تدخلين حقنا اللي كنا ندخله تسولفين معي وهذا اللي ابي اعرف ليه .. صحيح تحتاجين مساحه مع نفسك ولكن ليه البعد كذا عني .. خلاص تعبت وربي .. والله حاليا الوضع ما اسعفني اني اعبر عن اشياء بداخلي ..

آسف على نفسي لان اشياء حصلت معي ولكني اسف منك اكثر لاني سويت اللي تشوفين بس صدقيني لو كان شي بيدي سويته .. أحبك هو الشي اللي عرفته من شهور .. واعرفه الحين .. ولن اننساه مدى الدهور ...... فالنهاية .. اللهم اشرح صدرها ويسر امرها وفرج همها ونفس كربها ووفقها واحفظها واستر عليها واكتب لها خيرها واكفها شر كل ذي شر .. طمنها بإسمك يالله وارعها برعايتك .. ولا تحرمها مما كانت وما زالت تتمنى .. لا تدع مكروها يصيبها ولا شرا يعبرها .. اللهم اسعد ايامها واجعلها اسعد الناس .. استر عليها واستر لها .. بارك لها وبارك عليها .. اللهم وفقها وسددها وارشدها .. ربي لا تحرمني منها ولا تبعدها عني .. الهي سخرها لي وسخرني لها واكتب لنا الخير ووفقنا وردنا الى بعضنا ردا جميلا .. اللهم ان كان في سابق علمك ان ما كتبته خارجا من قلبي فاللهم اجب دعواتي وردها الي كما كانت .. وان كان في سابق علمك ان ما كتبته او بعضا مما كتبته فيه لم يخرج من اعماق قلبي فاللهم اجعله يخرج من اعماق قلبي لحظة كتابتي اياه .. اللهم انك تعلم انني لا اريد سواها فلا تحرمني منها يالله .. اسأل الله ان تصل هذه الرسالة الى من كتبتها له .. وان تدخلها قلبها ..